Балаларға арналған қамқорлық: Балқаштағы «Мектепке жол» акциясы
Жаңа оқу жылы қарсаңында «Коунрад» Корпоративтік қоры дәстүрлі «Мектепке жол» қайырымдылық акциясын өткізді. Іс-шара көпбалалы және аз қамтылған отбасылардан шыққан балаларға қолдау көрсетуге бағытталған. 2025 жылы акция ерекше көлемде өтті — Балқаш қаласындағы 6 оқу орнынан 79 оқушыға көмек көрсетілді.
Мектептердің әлеуметтік педагогтары ұсынған тізім бойынша, әрбір оқушыға 65 000 теңге көлемінде сертификат беріліп, арнайы балалар киімі дүкенінен мектептік және спорттық форманы сатып алу мүмкіндігі қамтамасыз етілді. Сонымен қатар, кіші және орта сынып оқушылары канцелярлық заттармен толықтырылған рюкзактар алды, бұл оларға оқу жылын сәтті бастауға мүмкіндік береді. Мұндай қолдау отбасыларға қаржылық жеңілдік беріп қана қоймай, балаларда оқу процесіне деген позитивті көзқарасты қалыптастырады.
Акцияға қатысқан мектептер:
№1 және №3 ОМ,
Ы. Алтынсарин атындағы №25 ОМ,
«Абай атындағы №2 мектеп-лицейі» КМГ,
Михаил Русаков атындағы интернат-мектеп КМГ,
№10 интернат-мектеп КМГ.
2025 жылы акцияны жүзеге асыруға бөлінген жалпы сома 6 млн теңгеден асты — бұл бастаманың барлық жылдарындағы рекордтық көрсеткіш.
2020 жылдан 2025 жылға дейін «Коунрад» қоры акция арқылы 269 балаға көмек көрсетті, отбасыларға және балаларды оқу жылына дайындауға бөлінген жалпы сома 12,5 млн теңгеден асты.
«Біз үшін әрбір бала оқу жылының басында сенімді сезінуі маңызды. Біз тек рюкзак немесе форма беру емес, шынайы қамқорлық, қолдау және тең мүмкіндіктер көрсетуге тырысамыз», — деп атап өтті Қор өкілдері.
Мұндай бастамалар бірлескен күш-жігермен оқу жылының әрбір бала үшін жылы әрі қуанышты оқиғаға айналуы мүмкін екенін көрсетеді.
«Коунрад» Корпоративтік қоры, 2017 жылы ТОО «Сары Казна» және ТОО «Медная компания Коунрад» бастамасымен құрылған, әлеуметтік бағытталған жобаларды белсенді жүзеге асырады. Қордың миссиясы — Балқаш тұрғындары үшін жаңа мүмкіндіктер мен тәжірибе жасау, жергілікті билік органдары, қауымдастық және мүдделі тараптармен бірлесе отырып, әрбір адамның өмір сапасын жақсарту және қоршаған ортаны қорғауға ат салысу.